Kalo te lënda

Gratë katolike të Shkodrës ishin të parat shqiptare që luajtën në teatër. (Gazeta Blic)


Në shumë nga pikëpyetjet e ditëve të sotme, nga shumë drama të mëdha të femrës shqiptare pikërisht sot, nga një tragjedi e ditëve të sotme ku burri qëllon dhe vret gruan, më vjen imazhi i jashtëzakonshëm i femrës së parë të vërtetë të emancipuar në Shqipëri. Shëmbullit unikal të guximit qytetar. Kush mund të ishte ajo, dhe ku mund të ishte një femër e tillë. E para, vërtetësisht mund të ishte në një qytet, ku kishte shfaqje reale publike e dyta, duhet të ishte një vënd ku kishte relacione të larta si letrare, politike dhe mundësisht diplomatike, e ky ishte vetëm qyteti i madh, më i madh i Shqipërisë ose Shkodra e viteve 1910-1930. Lexoni më tepër…

Mark Palnikaj: KUR DO TË VENDOSEN NË VENDIN QË U TAKON TRE FIGURAT KOMBËTARE, BOGDANI, GJEÇOVI DHE ZOGAJ ???

Sivjet është 330 vjetori i vdekjes së Pjetër Bogdanit,
240 vjetori vdekjes së Don Pal Zogajt
dhe 90 vjetori i vrasjes së Shtjefën Gjeçovit,tre personalitete me kontribute shumë të mëdhaja në nivel kombëtar.
Pjetër Bogdani, ky kolos i jashtezakonshem, qysh kur botoi veprën e parë të njohur në gjuhën shqipe është krahasuar nga bashkëkohësit e tij me heroin tonë kombëtar Gjergj Kastriotin Skëndërbeu.
Vepra e tij tashmë është studiuar dhe publikuar nga institucionet shkencore më të larta në Shqipëri dhe në Kosovë. Ajo është e njohur në Shqipëri dhe në tërë botën.

Pjetër Bogdanit i njifet edhe kontributi në luftën Austro Turke të viteve 1686-1689 përkrah forcave të Pikolominit, pra përveçse si shkrimar, ka kontribute edhe në lufën për çlirim kombëtar.
Deri më sot nuk i është dedikuar asnjë titull nderi!!!

Lexoni më tepër…

Dr.Ledi Shamku: Perdorimi i fjalve të huaja lidhet me Kulturën Gjuhësore jo me Drejtshkrimin. I zgjidh Shkolla jo Ligji

Titulli origjinal i shkrimit asht: “28 KAMIONA NDA PËR 7 BATALIONA (DHE 500 MIJË FJALËT E HUAJA)”.

E mbani mend kur Fadil Hasa i ndau 28 kamiona për 7 bataliona dhe i dolën 13 kamiona për batalion? Ja kështu është edhe kjo “puna” e 500 mijë fjalëve të huaja që paskan përmbytur Shqipen cep e m’cep!

E para kush i numëroi që të shkoj e t’i jap dorën! Se e vetmja mënyrë numërimi është të krijohen Korpuset e Përdorimeve Reale të Shqipes së Shkruar e të Folur – punë kjo që jemi zotuar ta bëjmë qysh në vitin 2005, po nga e thënë tek e bërë shkojnë 15 vjet të tërë (dhe as që e kemi në mend).

E dyta, po jap ca të dhëna teknike kërshërore:

Lexoni më tepër…

Dr. Ledi Shamku: MBI LIBRIN “RREZIKU SHQIPO-SHQEPAN PËR SHQIPEN”


“Shqipja që u rrezikoka nga shkurtimet e adoleshentëve në celular apo se nxënësit mezi shquakan paraprapashtesat” ishte konstatim i llojit “a të qaj pesë minuta”.

Gulçi për Ligjin e Mbrojtjes së Gjuhës është shenjë e qartë se mund ta nxjerrësh dikë nga bunkeri po nuk e nxjerr dot bunkerin prej tij.

Shqipja rrezikon, po!

1. Rrezikon NUMERIKISHT! Kemi po aq nxënës jashtë vendit sa kemi brenda vendit. Dhe ata janë gjuhëhumbur nëse këtë punë e lemë veç në dorë të përpjekjeve vullnetare dashamira të emigrantëve patriotë. Jemi komb gjuhësor; quhet shqiptar veç ai që flet shqip. Mbi 500 mijë fëmijë emigrantë bij shqiptarësh po përgatiten ta humbin Shqipen.
Ligji i Bunkerit si ndihmon këtu apo ç’nemelazëm se kemi hallin e ë-ve?! Lexoni më tepër…

Albin Kurti takohet me njerëzit e Erdoganit

E Martë, 18 Qershor 2019

Krerët e Lëvizjes “Vetëvendosje” kanë nisur turin e takimeve në Turqi.

Kryetari i kësaj partie, Albin Kurti së bashku me disa deputetë të LVV-ë zhvilluan një takim me drejtuesit e TIKA-s, personat e afërt të Rexhep Taip Erdogan.

“Delegacioni i Lëvizjes VETËVENDOSJE! i kryesuar nga kryetari Albin Kurti, deputetet Albulena Haxhiu dhe Fitore Pacolli, kryetari i Komunës së Prizrenit, Mytaher Haskuka, kryetari i Qendrës së Prishtinës, Arben Vitia dhe asambleisti i Kuvendit Komunal të Prishtinës, Arbër Vokrri po qëndrojnë në një vizitë katër ditore në Turqi.

Lexoni më tepër…

KUVENDI I ARBRIT PER ÇESHTJET JETIKE “IDENTITET FETAR E KOMBETAR”

Lindita Kokaj, gazetare

Ne 14 e 15 janar të vitit 1703 në Mërqi afër Lezhës u mblodh Kuvendi i Arbërit, Koncili i Kishës Katolike në trojet Shqiptare me dëshirën e Papa Klementit XI , Xhanfrançesk Albanit, me prejardhje shqiptare, i cili këtë ngjarje të madhe kishtare e kombëtare ia besoi kryeipeshkvit të asaj kohe të Tivarit, imzot Vinçenc Zmajeviçit. Sipas historianeve si edhe meshtareve, Kuvendi apo Koncili i Kishës katolike i trojeve shqiptare u mbledh në një situatë tejet të vështirë: populli shqiptar, këndej të krishterët e në mënyrë të vecante katolikët, pësonin trysnin e sundimit otoman, që dalëngadalë, por me vendosmëri e në mënyrë sistematike punonte për kalimin e popullsisë shqiptare në fenë islame.

Lexoni më tepër…

Gjergj Jozef Kola, REFLEKSIONE HISTORIKE: IDENTITET DHE ETIMOLOGJI!

Ne kete kishe ne zemren e Arbenise Gege, u mbajt “Kuvendi Kishtar i Arbërit” i klerit katolik shqiptar, më 14-15 janar 1703 në Kishën e Shën Gjon Kryepremit në fshatin Merqi të Lezhës, me përkrahjen e papës me prejardhje shqiptare Klementi XI. Aty u vendos nji program per mbrojtjen e gjuhes arbnore, te besimit arbnor e te identiteti arbnor qe kishte mbijetue ne mes qindra luftnash shfarosese.
Ky kuvend e tundi me rranje vetedijen e kombit te zhytun tash 2 shekuj nen schok-un osman, ku nji pjese e mire e popullit nuk shkruente e as kishte kontakte ma me gjuhen arbnore e as identifikohej me doke, fe e zakone me Arbnine…

Lexoni më tepër…