Kalo te lënda

Naser Aliu (Poezi): Lindja ime

by më 30/07/2009

Naser Aliu: Mojsiu, Krishti dhe Muhameti (Poezi)Kur u linda
Qau nëna
Qava, mirëpo
Edhe unë
Qamë së bashku
Dhe më shtrëngoi lëndimthi

Babi nuk ishte aty
Kur u linda
Atë ditë nuk ishte në shtëpi
Për t’ i shtrënguar dorën nënës
Fshirë djersët
Për ta qetësuar
Për t´i dhënë kurajë
Për ta marrë foshnjën në dorë i dyti

Në kohën kur u linda unë
Nëna nuk ishte bashkëshortja e babit
As shoqja e tij
As nusja e tij
As e dashur
Ajo ishte
E paemër
“Mëri” ose “hej ti”
Askushi
Bënte jetë anonime
Shërbente ditë e natë
Shërbëtore
Në një botë gati virtuale
Aty, vetëm përbuzja
Dhe nënshtrimi
Dhe shfrytëzimi ishin real!
Të prekshëm…

Në kohën kur u linda unë
Martesa e tyre
Nuk ishte dashuri
Takimi parë në krevat, ora njëzetë e tridhjetë
Në orën njëzetë e dyzetepesë: seks
Me hir apo pahir
Ndërzimi me marrëveshje…

Në kohën kur u linda unë
Gratë nuk lindnin
Ato pillnin
Si kafshët

Me skllavërimin jetësor
Dhe nënshtrim tërësor
Ndaj burrit
Dhe fëmijëve
Ato përparonin ca
Dhe, kështu
Në fund, ato nuk cofnin
Por vdisnin
Mirëpo, varroseshin më thellë se burrat
Nga frika se mund të dalin jashtë!

Në kohën kur u linda unë
Fëmijët nuk i bënin prindërit
Personalisht
Perëndia ua dërgonte
Nëpër kopshte, ara, livadhe e lëndina…
Edhe pse çdo natë qartë dëgjohej zhurma e kazanëve

Në kopsht apo ara
Merrnin foshnjën
Që kishte ardhur pa dëshirën e tyre
Dhe mbushnin shtëpinë
Me perime e kafshë

Kryekungull
Kastravec
Hundëspec
Gomar
Kaçirubë
Varet se ku kishin gjetur foshnjën
Ndonjë edhe në stallë

Në kohën kur u linda unë
Mësonim gjashtë mësime për gjashtë vjet
Xhelozinë
Inatin
Smirën
Krenarinë
Diskriminimin
Dhe, hakmarrjen!
Në vitin e shtatë ia nisnim shkollës…

Lum ai që shkonte në shkollë
Me gjashtë

Në kohën kur u linda unë
Dashurinë nuk e mësonim
Ajo ishte turp!
Dhe krim!
Vrasja në lule të ballit
Nder!

Asgjë më shumë!

PS:
Pas vrojtimeve nëpër pyje
Bjeshkë dhe stalla
U diktua se kafshët e buta dhe bishat e egra
Nuk keqtrajtojnë
Dhe nuk kafshojnë
Nuk diskriminojnë
Dhe nuk shfrytëzojnë
Dhe nuk shtypin
Dhe nuk jetojnë
Në shpinë të
Gjinisë femërore!

Në kohën kur do vdes unë
Gratë duhet të formojnë UÇG

Reklama

From → Uncategorized

Lini një Koment

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s