Skip to content

Robert Prennushi: Violinisti i mirënjohun Ndoc Shllaku dhe shkolla që ai themeloi


Tue marrë shkas nga nji përvjetori randësishëm, siç asht 50 vjetori i Shkollës së Muzikës në Shkodër, institucion që në pak ma shumë se në nji dekadë do ta vinte përsëri Shkodrën në nivelet e para kombëtare ndër rrethe, siç kishte qenë edhe para lufte, gjejmë rastin të vlerësojmë e nderojmë gjithë muzikantët e parë të Akademisë së pashpallun muzikore shkodrane, që përgaditen me përkushtim brezin tonëtë pedagogëve të kësaj shkolle.
Në mes tyne shquhet mësuesi, kolegu e miku i paharruem Ndoc Shllaku, violinisti i mirënjohun, themeluesii asaj shkolle, që sot mban emnin e kompozitorit të shquem Prenkë Jakova e që i dha përsëri za e nam Shkodrës në fushën e muzikës. Lexoni më tepër…

Advertisements

Prof. Dr. Gjovalin Shkurtaj: Mbi dijetarin Dr. Kolë Ashta

Kolë Ashta Kolë Ashta ka qënë një nga dijetarët e mëdhenj të Shkodrës, intelektual me formim të thellë e vizion të gjerë perëndimor, që dijet e tij të shumta i vuri në shërbim të ndriçimit të pikërisht atyre anëve të historisë së gjuhës shqipe që ishin më të errëta. Ashtu si mjeshtri Eqrem Çabej, me të cilin i lidhte një miqësi e thellë po edhe një fushë e përbashkët kërkimesh, sidomos çka lidhet me leksikun historik të shqipes, Kolë Ashta e hulumtonte dhe e vilte shterrueshëm e me shumë shqyrtime e krahasime zhdavaritëse gjithë leksikun e dokumenteve më të para të shqipes dhe, bash për këtë arsye, separatet e “Buletinit të Shkencave” dhe të “Buletin i Institutit të Shkodrës” me pjesët e botuara të “Leksikut …” nga Kolë Ashta, Çabej i mbante gjithnjë në tryezën e tij të punës. Lexoni më tepër…

Gani Mehmetaj: Myslimanët kundër myslimanëve

Luftërat më të egra në historinë e njerëzimit janë zhvilluar nga myslimanët kundër myslimanëve. I pari i arabëve sauditë, Muhameti, në emër të islamit e udhëhoqi luftën që e dogji Lindjen e Mesme, skllavëroi gra e fëmijë jo myslimanë, masakroi ata që nuk pranuan të bëheshin myslimanë dhe i pushtoi shtetet arabe me gjak e më hekur. Trashëgimtarët e tij në emër të shtrirjes së islamit dogjën shtete aziatike e shuan kombe deri në Indi, nxitën luftëra të brendshme qytetare e luftëra sektesh fetare në mes arabëve me masakre që nuk i mbanë në mend historia njerëzore. Arabët myslimanë e luftuan egërsisht arabin mysliman nga Medina në Bagdad nga Xheda në Aleksandri.

Perandoria Osmane disa qindra vjet më vonë mori pishtarin e islamit dhe i pushtoi arabët nga Siria e Palestina deri në Arabinë Saudite. I vrau dhe i masakroi myslimanët si asnjëherë më parë ndonjë pushtues, i mbajti nën sundim të egër pesëqind vjet Iranin, Kurdistanin Sirinë, Irakun, Arabinë Saudite e më pak Egjiptin, duke i shtypur myslimanët herë me jeniçerë të krishterë nga Gadishulli Ilirik, herë më nizamë shqiptarë. Janë shtetet e krishtera evropiane që u ndihmuan myslimanëve arabë e iranianëve të çliroheshin nga Perandoria islamike turke. Lexoni më tepër…

Prof.dr. Georg Stadtmüeller: Krahina e Matit, hapësira më jetësore e shqiptarëve të hershëm pa përzierje e pa trazime

Aqif Ymeri, Klos – Nga botimet e Hyllit të Dritës « HISTORIJA SHQIPTARE » në pikëpamje të kombësisë si problem gjurmimesh nga studiuesi gjerman GEORG STADTMUELLER (1909 – 1985), përkthyer nga prof. Karl Gurakuqi.

Duke shfletuar studimet e të huajve për Matin, veçanërisht të tërheqin vemendjen gjurmimet dhe shumë nga përfundimet e studiuesve gjermanë për këtë trevë aq interesante që u munduan ta njohin, më së pari, si nevojë dhe domosdoshmëri për të depërtuar në kohëra sa më të largëta historike. Si bartës kryesorë të tezave në thelb të të cilave qëndron koncepti i autoktonisë së shqiptarëve, mund të përmendim historianët gjermanë Georg Stadtmüeller, Gottfried Schramm dhe Olberg. Natyrisht nga studimet e sotme vendbanimet e të parëve të shqiptarëve që nga antikiteti e në fillimet e mesjetës, i lokalizojmë në gjithë hapsirën e sotme kompakte shqipfolëse, por në këtë trajtesë po përpiqemi të rendisim, kryesisht, disa citime të Georg Stadtmüeller-it në veprën e tij HISTORIJA SHQIPTARE e përkthyer nga prof. Karl Gurakuqi dhe e paraqitur në nr.13 të botimeve të HYLLIT TË DRITËS. Boshti i këtij materiali është vështrimi mbi Matin si « hapsira më jetësore e shqiptarëve të hershëm pa përzierje e pa trazime ».

Interes të veçantë për studiuesit gjermanë dhe veçanërisht për Stadtmüellerin paraqet Krahina e Matit. Për këtë në f.14 të këtij materiali lexojmë :

Lexoni më tepër…

Skender Jashari: Pushtimi i Konstantinopojës dhe aleanca ortodokso-islamike!

Kohëve  të  fundit  është   gjithnjë  e më  mediatike  aleanca   ortodokso-islamike,  gjegjësisht  ruso-sllave  me  botën  islame! Rrënjët  e kësaj  aleance   që në  fillim të  saj,  por edhe tani   janë  tejet   prezente dhe funksionale. Gjatë periudhës së Luftës së Ftohtë, grupe terroriste, me bindje leniniste-marksiste dhe islamike, kishin mbështetjen nga Bashkimi Sovjetik, i përdorte për luftë speciale kundër botës demokratike. Mirëpo me rastin e shembjes së Bashkimit Sovjetik, grupet e tilla humbën mbështetjen financiare-logjistike. Derisa  ringritja e   Rusisë  pas  viteve  1990, tregon qartazi që ka  lidhje  me  rritjen  e terrorizmit islamik në  botë,  derisa  ideologjia  marksiste-leniniste, tashmë    pranohet  si e  kolapsuar. Lexoni më tepër…

Gani Mehmetaj: Vatikani dhe Ibrahim Rugova

Vatikani në shekullin XX pati ndikim të madh në pavarësimin e ruajtjen e tërësisë territoriale të Shqipërisë. Austro-Hungaria katolike e bëri shtetin shqiptar për hir të shqiptarëve katolikë.

Vatikani nën udhëheqjen e Papa Gjon Palit të Dytë ishte qendra botërore që ndikoi në ndërkombëtarizmin e çështjes shqiptare në Dardani. I pari i Vatikanit ishte zëdhënësi më i fortë i shqiptarëve që vuanin nga diktatura jugosllave. Ati shpirtëror i katolicizmit e bëri mik prijësin e shqiptarëve të Dardanisë, Ibrahim Rugovën, me ndërmjetësimin e Kishës Katolike Shqiptare të Dardanisë, ndërsa përmes Papës, Rugova u takua më burrështetasit më të mëdhenj të kohës. Lexoni më tepër…

Prof. dr. Jahja Drançolli: Historia e hershme e dominikanëve arbërorë (II)

800 – Vjetori i Urdhrit Dominikan
Dominikanët e hershëm arbërorë: kontributi i tyre për kulturën, shkencën dhe artin

Dorëshkrimet e disa dominikanëve arbërorë, sikurse ai i frat Domenik Arbërit,  Neophyta doktrinanë Bibliotekën Kombëtare të Parisit; Libellus dhe Kodet latine e greke të viteve 1256, 1276 të Nikollë Durrësakut, ipeshkvit të Kotronës (Itali), që i shërbyen gjeniut të kohës Tomë Akuinit; dhe ai i farmacistit frat Marin Shkodrani, dorëshkrim në Bibliotekën Palatini në Firence, ishin të njohura në mbarë Europën e kohës mesjetare. Këto dorëshkrime, krahas dorëshkrimeve e inkunabulave të Splitit, Raguzës, Ulqinit e Tivarit, zotëronin anëshkrime e fjalë nga thesari i gjuhës arbërore. Lexoni më tepër…